كيف صنعت إعلان مطعم سينمائي بالذكاء الاصطناعي من صورة برجر واحدة (خطوة بخطوة)
On this page
النهارده هشارك معاكم تجربة صناعة اعلان مطعم سينمائي باستخدام الذكاء الاصطناعي من اول تصميم الصورة المرجعية لحد تحويل المشاهد لفيديو باستخدام بيكاسو الخليج
الفكرة كانت اني احول صورة برجر واحدة لفكرة اعلان متكاملة فيها لقطات سينمائية وتفاصيل واقعية وزوايا تصوير مختلفة بدل ما اكتفي بصورة ثابتة للمنتج
الهدف مش مجرد تحريك صورة لكن اننا نبني مشاهد مترابطة كل مشهد فيها يضيف تفصيلة جديدة ويخلي الاعلان اقرب للاعلانات التجارية الاحترافية
الخطوات باختصار
- اختيار فكرة الإعلان: وجبة برجر داخل مطعم بأجواء سينمائية وإضاءة دافئة.
- تصميم صورة مرجعية للبرجر تحدد شكل المنتج والألوان والإضاءة.
- تقسيم الإعلان إلى ستوري بورد من 8 كادرات بزوايا تصوير مختلفة.
- تحويل الصور إلى فيديو في بيكاسو الخليج باستخدام نموذج Wan 3 مع الصور المرجعية.
- كتابة تعليمات واضحة في البرومبت للحفاظ على شكل المنتج وتثبيت الكاميرا.
- مراجعة كل مشهد وإعادة توليد المشهد اللي فيه مشكلة فقط.
الخطوة 1: اختيار فكرة الإعلان
بدأت بفكرة اعلان لوجبة برجر داخل مطعم باجواء سينمائية واضاءة دافئة وخلفية واقعية
اخترت البرجر لان تفاصيله بتحتاج اهتمام كبير اثناء التوليد زي ملمس الخبز المحمص واللحمة المشوية والجبنة السايحة والصوص والخضروات
كان هدفي ان كل التفاصيل دي تظهر بشكل شهي وواقعي مع الحفاظ على شكل الوجبة في مختلف المشاهد
الخطوة 2: تصميم الصورة المرجعية
اول خطوة في التنفيذ كانت تجهيز صورة رئيسية للبرجر تكون هي المرجع البصري للاعلان
ركزت على ان البرجر يكون واضح في منتصف الكادر مع اضاءة سينمائية تبرز تفاصيل المكونات وخلفية مطعم خارج نطاق التركيز
الصورة المرجعية مهمة لانها بتحدد شكل المنتج والالوان والاضاءة اللي هنحاول نحافظ عليها في باقي مراحل العمل
الخطوة 3: تصميم كولاج ستوري بورد من 8 كادرات
بدل ما اعتمد على لقطة واحدة قررت اقسم الاعلان الى 8 كادرات وكل كادر يقدم زاوية مختلفة من زوايا تصوير الطعام
الكادرات بتعرض الخبز واللحمة المشوية والجبنة السايحة والبيكون والصوص والخضروات وبعدها لقطة للبرجر كامل واخيرا لقطة لشخص بياكل البرجر
التنوع ده بيساعد على بناء اعلان له تسلسل بصري واضح وبيخلي كل لقطة تكمل اللي قبلها بدل ما الفيديو يكرر نفس المشهد
كمان وجود الستوري بورد قبل التحريك بيساعد على تصور النتيجة النهائية وتنظيم المشاهد قبل استهلاك محاولات التوليد
الخطوة 4: تحويل الصور إلى فيديو باستخدام بيكاسو الخليج
بعد تجهيز الصورة المرجعية وكولاج الستوري بورد انتقلت الى مرحلة تحويل الصور لفيديو باستخدام بيكاسو الخليج
اخترت اداة صورة الى فيديو واستخدمت نموذج وان 3 واضفت الصور المرجعية ثم كتبت برومبت يوضح طريقة التعامل مع الكادرات وحركة العناصر داخل المشهد
الفكرة الاساسية في البرومبت كانت ان كل كادر من الستوري بورد يكون نقطة البداية للمشهد الخاص بيه مع الحفاظ على التكوين الاصلي وعدم تغيير زاوية التصوير بشكل عشوائي
بدل حركة كاميرا كبيرة ممكن تغير شكل الصورة ركزت على حركات بسيطة تخدم الاعلان زي حركة الشخص وهو بياكل او حركة البخار الطبيعي فوق الوجبة
الخطوة 5: الحفاظ على شكل المنتج
من اهم التحديات في اعلانات الذكاء الاصطناعي ان تفاصيل المنتج ممكن تتغير اثناء التحريك
ممكن شكل الخبز يتغير او كمية الصوص تختلف او بعض المكونات تتحرك بطريقة غير منطقية
علشان كده استخدمت تعليمات واضحة في البرومبت للحفاظ على شكل المنتج وتفاصيله ومنع اعادة رسم العناصر الاساسية قدر الامكان
كمان طلبت تثبيت الكاميرا داخل كل كادر مع السماح بحركة بسيطة للعناصر اللي تحتاج حركة فعلية
التعليمات دي بتساعد على توجيه النموذج لكن النتيجة بتحتاج مراجعة لان الحفاظ الكامل على كل التفاصيل مش مضمون في جميع الفريمات
الخطوة 6: مراجعة الفيديو النهائي
بعد توليد الفيديو لازم نراجع المشاهد واحدة واحدة ونتاكد من ثبات شكل البرجر وطبيعية حركة الشخص وتناسق الاضاءة والخلفية
كمان بنراجع الانتقال بين الكادرات علشان نتأكد ان كل لقطة بتضيف معلومة بصرية جديدة وان الاعلان مش مجرد مجموعة صور متحركة
ولو ظهر تشوه في احد المشاهد ممكن نعدل البرومبت او نعيد توليد المشهد حسب المشكلة بدل ما نعيد العمل من البداية
أهم الدروس المستفادة من التجربة
التجربة بتوضح ان صناعة اعلان بالذكاء الاصطناعي مش مجرد كتابة برومبت وانتظار النتيجة
لازم نبدأ بفكرة واضحة ونحدد شكل المنتج ونخطط للمشاهد ونختار زوايا تصوير متنوعة وبعدها نكتب تعليمات دقيقة للتحريك
كولاج الستوري بورد بيساعد على تنظيم الاعلان قبل التنفيذ وتعليمات تثبيت المنتج بتساعد على تقليل التغييرات غير المطلوبة
والاهم اننا نراجع النتيجة النهائية ونتعامل مع كل مشكلة حسب طبيعتها لان كل نموذج ليه قدراته وحدوده
الخاتمة
باستخدام الصورة المرجعية وكولاج الستوري بورد والبرومبت المناسب نقدر نبني خطة اعلان سينمائي متكاملة ونحول الفكرة الى مشاهد فيديو باستخدام ادوات الذكاء الاصطناعي المتاحة في بيكاسو الخليج
الفرق الحقيقي بيكون في طريقة التفكير والتخطيط وتوجيه الاداة مش في كثرة الكلمات داخل البرومبت
انا صابر عليوة وبشارك معاكم التجربة علشان اوضح ازاي نقدر نستفيد من الذكاء الاصطناعي في صناعة محتوى اعلاني بشكل منظم وابداعي
جرّب بنفسك: افتح مولّد الفيديو في بيكاسو الخليج وابدأ من صورة منتجك.